Achos llofruddiaeth: tad yn gwadu rhegi ar ei ferch

 


Matthew Scully Hicks y tu allan i Lys y Goron Caerdydd
Mae dyn sydd wedi ei gyhuddo o lofruddio ei ferch fabwysiedig, wedi gwadu rhegi arni.

Mae Matthew Scully-Hicks o Gaerdydd wedi ei gyhuddo o ladd Elsie Scully-Hicks trwy achosi cyfres o anafiadau difrifol iddi ym mis Mai 2016 – pan oedd hi yn 18 mis oed.

Roedd y plentyn wedi cael ei mabwysiadu’n swyddogol gan Matthew Scully-Hicks a’i ŵr Craig Scully-Hicks, bythefnos cyn ei marwolaeth.

Eisoes mae cyn-gymdogion wedi cyflwyno tystiolaeth i’r llys sy’n awgrymu yr oedd y diffynnydd yn rhegi a gweiddi at y plentyn pan oedd hi’n crio.

Wrth gyflwyno tystiolaeth yn Llys y Goron Caerdydd ddydd Mercher (Hydref 25) dywedodd Matthew Scully-Hicks: “Byddwn i byth yn rhegi at blentyn, fyddwn i ddim yn dweud hynna wrth fy mhlentyn i.”

Anafiadau

Cafodd y ferch ei chludo i’r ysbyty ar Fai 25, wedi i’r diffynnydd alw’r gwasanaethau brys gan honni ei fod wedi ei chanfod mewn cyflwr gwael.

Gwnaeth profion ysbyty ddarganfod bod y ferch fach wedi dioddef o waedlif ar bob ochr o’i phenglog.

Roedd  hefyd wedi torri nifer o esgyrn, gan gynnwys ei hasennau, asgwrn yn ei choes a’i phenglog.

Mae’r achos yn parhau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd