Paratoi ar gyfer Radio Cymru 2: Dyfan Tudur yn “datblygu systemau”

Diweddarwyd am  


Y cyn-newyddiadurwr radio, Dyfan Tudur, sydd wedi’i benodi dros dro i baratoi’r ffordd ar gyfer rhoi gwasanaeth newydd Radio Cymru 2 ar yr awyr.

Dyfan Tudur ydi Trefnydd Darlledu Radio Cymru, yn gyfrifol am swn yr orsaf, am y cyhoeddiadau rhwng rhaglenni ac am y clipiau sy’n hyrwyddo rhaglenni.

Mae llefarydd ar ran Radio Cymru wedi cadarnhau ei fod “wedi ei ryddhau” o’r swydd honno er mwyn datblygu’r systemau technegol ar gyfer y gwasanaeth newydd. Ond maen nhw’n methu dweud ar hyn o bryd pryd fydd yr ail wasanaeth i’w glywed; faint fydd y gyllideb na phwy fydd y cyflwynwyr a’r cyfranwyr.

Yn ol y llefarydd ar ran Radio Cymru, mae hi’n “rhy gynnar” i ddatgelu’r wybodaeth honno, ond fe fydd “cyhoeddiad maes o law”.

Beth ydi Radio Cymru 2?

Daeth cadarnhad o’r gwasanaeth newydd ym mis Mehefin eleni.

Bydd rhaglenni’n cael eu darlledu rhwng 7 o’r gloch a 10 o’r gloch y bore, ac mae’n dilyn arbrawf Radio Cymru Mwy yn gynharach eleni.

Bydd Radio Cymru 2 ar gael ar radio a theledu digidol ac iPlayer y Gorfforaeth.

Bydd yr arlwy’n cynnwys rhaglenni cerddoriaeth ac adloniant, ond mae’r BBC wedi pwysleisio na fydd y gwasanaeth newydd yn effeithio ar ddarpariaeth rhaglenni newyddion Radio Cymru.

Dathlu’r deugain

Mae Radio Cymru’n dathlu 40 mlynedd eleni.

Pan ddaeth y cyhoeddiad am Radio Cymru 2 dros yr haf, dywedodd Golygydd Rhaglenni Radio Cymru, Betsan Powys fod “hwn yn gyhoeddiad gwirioneddol hanesyddol – yn un o’r pwysicaf ers sefydlu Radio Cymru yn 1977″.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd