Pwyllgor yn “siomedig” â phrofiadau trafnidiaeth pobol anabl

 


Mae un o bwyllgorau’r Cynulliad wedi dweud eu bod yn “siomedig” bod profiadau pobol ifanc anabl ar drafnidiaeth gyhoeddus “yn aml yn methu a chyrraedd safonau.”

Daw sylw’r Pwyllgor Deisebau wrth iddyn nhw lansio adroddiad ‘Sicrhau y gall Pobl Anabl Ddefnyddio Trafnidiaeth Gyhoeddus Pryd Bynnag y Bo’i Hangen Arnynt’.

Fel rhan o’r adroddiad bu’r pwyllgor yn ystyried deiseb gan bobol ifanc, ar y cyd ag elusen Whizz-Kidz, sydd yn galw am well mynediad at drafnidiaeth gyhoeddus yng Nghymru.

Yn yr adroddiad mae Aelodau Cynulliad yn nodi bod profiadau pobol anabl o ddefnyddio trafnidiaeth gyhoeddus yn “anghyson” a ddim yn “cyd-fynd” a pholisïau trafnidiaeth gyhoeddus.

Clywodd yr Aelodau am enghreifftiau lle’r oedd cwmnïau trenau yn gofyn am 48 awr o rybudd i ddarparu ramp mewn gorsaf, ac nad oedd ramp ar gael bob amser oherwydd prinder staff.

“Mwy i’w wneud”

“Roedd yr Aelodau’n siomedig nad oedd profiadau pobl anabl yn y byd go iawn yn cyd-fynd â’r polisïau a’r hyfforddiant a amlinellwyd gan y gweithredwyr trafnidiaeth,” meddai Cadeirydd y Pwyllgor Deisebau, yr Aelod Cynulliad, David Rowlands.

“Rydym yn croesawu’r enghreifftiau a’r polisïau cadarnhaol a gyflwynwyd inni gan weithredwyr trafnidiaeth a Llywodraeth Cymru.

“Serch hynny, mae’n amlwg i ni fod mwy i’w wneud os ydym am sicrhau bod bysiau, trenau a thacsis ar gael i bawb.”

“Manteisio ar drafnidiaeth”

“Rydym yn croesawu’r adroddiad hwn a byddwn yn ystyried ei argymhellion yn ofalus wrth bwyso a mesur beth arall y gallwn ei wneud i’w gwneud hi’n haws i bawb fanteisio ar drafnidiaeth gyhoeddus,” meddai llefarydd ar ran Llywodraeth Cymru.

“O fuddsoddi er mwyn sicrhau bod yr holl gerbydau yn cydymffurfio â rheoliadau ynghylch Personau â Symudedd Cyfyngedig i sicrhau bod anghenion teithwyr yn flaenoriaeth i’r fasnachfraint rheilffyrdd nesaf a bwrw ymlaen â chynigion ar gyfer gwella gwasanaethau bws a thrwyddedu tacsis yn well – rydym yn anelu at sicrhau ei bod yn haws i bobl ar draws Cymru fanteisio ar drafnidiaeth gyhoeddus.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd