Trefniadau Llyfr y Flwyddyn eleni wedi creu “tipyn o ddiflastod”

Diweddarwyd  


Myrddin ap Dafydd, cadeirydd newydd Cwlwm Cyhoeddwyr Cymru
Mae trefniadau Llyfr y Flwyddyn eleni wedi creu “tipyn o ddiflastod i bawb” yn ôl Cadeirydd newydd corff Cwlwm Cyhoeddwr Cymru.

Yn draddodiadol mae rhestr fer â seremoni wobrwyo Llyfr y Flwyddyn yn cael eu cyhoeddi yn gynharach yn y flwyddyn, tua mis Ebrill neu Mai – cyfnod sy’n dawel i gyhoeddwyr llyfrau Cymru, gyda’r brif seremoni ym mis Gorffennaf.

Ond, eleni bydd seremonïau a chyhoeddiadau Llyfr y Flwyddyn yn cael eu cynnal ym misoedd Hydref a Thachwedd, ac mae disgwyl i hyn wrthdaro â chyfnod prysur y Nadolig.

Yn ôl y Prifardd a Chadeirydd, Myrddin ap Dafydd, mae Llenyddiaeth Cymru  wedi “anwybyddu anghenion” y fasnach lyfrau.

 “Mae’r [gwobrau] yn bwysig iawn i’r fasnach lyfrau ond mae Llenyddiaeth Cymru wedi anwybyddu anghenion a chalendr y fasnach lyfrau yn llwyr wrth symud popeth i ganol masnach brysur iawn Nadolig,” meddai wrth golwg360.

“Gwnaethon nhw oedi a cholli chwe mis o amser tyngedfennol o safbwynt beirniadu a gwneud trefniadau. Canlyniad hynny yw ei bod nhw’n creu’r cymysgwch yma. Mae’n hwyr iawn yn y flwyddyn i wobrwyo llyfr gorau llynedd.

“Diffygion gweinyddol ar ran Llenyddiaeth Cymru [sy’n gyfrifol] yn anffodus, ac mae’n creu tipyn o ddiflastod i bawb ar hyn o bryd.”

Y dyfodol

Mae’n debyg bod y sefydliadau wedi dechrau paratoi trefniadau 2018, a chanlyniad hynny yw bydd gwobrau blwyddyn nesaf yn cael eu cynnal ychydig yn gynharach – adeg yr Eisteddfod Genedlaethol.

Ni fydd trefniadau 2018 yn “ddelfrydol” yn ôl Myrddin ap Dafydd ac mae’n pryderu y bydd hi’n cymryd dwy neu dair blynedd i ddychwelyd i’r hen drefn sydd yn “bechod mawr.”

Mae Golwg360 wedi gofyn am ymateb Llenyddiaeth Cymru.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd