RSS

Golwg360

MwyCau 

Gweision sifil Bae Caerdydd yn rhoi £1.8m ar gardiau credyd

Medi 7, 2017 11:04 Diweddarwyd Medi 8, 2017 11:36


Mae cardiau credyd Llywodraeth Cymru wedi cael ei defnyddio i wario miloedd o bunnoedd ar wasanaethau a nwyddau moethus, yn ôl ffigurau sydd newydd eu cyhoeddi.  

Cafodd £1.8m ei wario gyda’r cardiau yn 2016/17 - yn cynnwys £1,652.50 ar saith ymweliad â bwyty seren Michelin ym Mhenarth, a £3,204.32 ar westy moethus yn Chicago.

Mae’r ffigurau wedi eu cyhoeddi ar wefan Llywodraeth Cymru, ac wedi ennyn beirniadaeth hallt gan y Ceidwadwyr Cymreig.

Gwariant

Ymhlith y gwasanaethau a’r nwyddau y talwyd amdanyn nhw gyda chardiau credyd:

  • £203,644.83 ar deithiau awyren
  • £3,028.22 ar dripiau cychod hwyliau a badau
  • £8,604 ar fwytai
  • £359.38 ar siocled gan gwmni Cymreig, Nom Nom
  • £393.25 ar wisgi o siop ar-lein

“Busnes swyddogol”

Yn ôl llefarydd ar ran Ysgrifennydd Parhaol Llywodraeth Cymru, mae’r cardiau yn cael eu defnyddio gan weision sifil ar gyfer “busnes swyddogol”.

“Mae’r cardiau credyd yn cael ei rheoli’n dynn, ac mae rheolau llym yn sicrhau bod pob taliad yn cael ei gofnodi,” meddai.

“Hefyd, mae’n rhaid i bob taliad gael ei gymeradwyo gan uwch swyddog. Mae defnydd y cardiau yn cael eu cyhoeddi ar ein gwefan bob mis, er mwyn sicrhau tryloywder.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.