RSS

Golwg360

MwyCau 

“Edrych o’r newydd” ar welliannau i’r A55

Awst 23, 2017 07:15 Diweddarwyd Awst 22, 2017 16:09


Traffig ar yr A55 yn Abergwyngregyn
Mae Llywodraeth Cymru wedi cyhoeddi ei bod am “edrych o’r newydd” ar welliannau posib i ffyrdd yr A55 a’r A494 yng ngogledd Cymru.

Daw hyn wedi i’r Llywodraeth lansio astudiaeth i ansawdd y ffyrdd ym mis Ebrill, ac mae disgwyl i’r canlyniadau gael eu cyflwyno ym mis Hydref.

Ac yn ôl Ken Skates, Ysgrifennydd Economi Llywodraeth Cymru, mae cynnal gwelliannau i’r ffyrdd yn “hanfodol i economi gogledd Cymru”.

‘Gwelliannau pellach’

Mae Ken Skates yn cydnabod fod yr A55, sy’n rhedeg o Gaer i Gaergybi, wedi ei “hadeiladu ddegawdau yn ôl ac nid oedd erioed wedi’i chynllunio i ymdopi â dros 70,000 o gerbydau”.

“Yn ei chyflwr presennol, mae’r ymhell o fod y porth modern delfrydol i gefnogi pobol ac economi gogledd Cymru,” meddai.

Am hynny, dywed y bydd rhannau newydd gan gynnwys ‘Coridor Glannau Dyfrdwy’, fydd yn costio £200m, yn cyfrannu at y gwelliannau.

Ond mae’n mynd ymhellach gan ddweud ei fod ”wedi dweud yn glir y dylid, ac y gellir, gwneud gwelliannau pellach pan yn bosib, fel bod modd inni sicrhau bod y ffordd hollbwysig hon yn perfformio cystal â phosib”.

Ychwanegodd y bydd yn llunio “rhaglen gynhwysfawr” o welliannau ar ôl derbyn yr astudiaeth ym mis Hydref.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.