RSS

Golwg360

MwyCau 

Neil Hamilton: “Ddaw dim byd o Blaid Cymru dan Leanne Wood”

Awst 14, 2017 11:33 Diweddarwyd Awst 15, 2017 08:32


Neil Hamilton
Yn ôl Arweinydd grŵp UKIP yn y Cynulliad, Neil Hamilton, “ddaw dim byd o Blaid Cymru” dan eu harweinydd presennol, Leanne Wood.

Mewn datganiad mae Neil Hamilton yn mynnu bod Leanne Wood wedi “cefnu ar gynlluniau” i herio “Llywodraeth Lafur parhaol” a bellach mae’r blaid ond yn “was i’r Blaid Lafur”.

Mae hefyd yn beirniadu’r Aelod Cynulliad, Rhun ap Iorwerth – wnaeth nodi wythnos diwethaf y byddai’n ystyried olynu Leanne Wood.

Pobol “calon wan” yw’r ddau wleidydd yn ôl Neil Hamilton ac mae’n nodi na fyddai sefyllfa Plaid yn wahanol dan arweinyddiaeth Rhun ap Iorwerth.

Mae Leanne Wood wedi ymateb ar Twitter gan nodi: “Plaid Cymru yw’r cartref i bawb sydd wedi blino â cham-lywodraethu Llafur ac sydd am weld newid.”

Cenedlaetholdeb “go iawn”

Yn y datganiad mae Neil Hamilton hefyd yn nodi enwau’r unigolion y hoffai weld yn olynu Leanne Wood.

Dywed byddai’r “Aelodau Cynulliad effeithlon”, Adam Price a Neil McEvoy, yn cynnig arweinyddiaeth well ac y byddan nhw’n “chwalu’r consensws cyfforddus ym Mae Caerdydd.”

Mae hefyd yn datgan bod UKIP yn “blaid genedlaetholgar go iawn” ac yn nodi y byddai’r blaid yn “hapus i weithio â Phlaid Cymru”.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.