RSS

Golwg360

MwyCau 

Galw am ddysgu hanes Cymru yn holl ysgolion Prydain

Awst 13, 2017 12:48 Diweddarwyd Awst 14, 2017 15:03


Leanne Wood (Llun o wefan Plaid Cymru)
Mae arweinydd Plaid Cymru wedi galw am i hanes Cymru gael ei ddysgu yn holl ysgolion Prydain.

Yn ôl Leanne Wood, mae hyn yn hanfodol er mwyn mynd i’r afael â’r “anwybodaeth cynhenid” ynghylch Cymru, ei hanes a’i hiaith.

“Byddai gwell dealltwriaeth am Gymru ymysg holl boblogaeth Prydain yn meithrin mwy o oddefgarwch a pharch,” meddai.

Fe wnaeth ei sylwadau yn sgil eitem ddadleuol am y Gymraeg ar Newsnight yr wythnos ddiwethaf, y cerflunwaith ‘cylch o haearn’ yng nghastell y Fflint, a gorchymyn y gadwyn siopau Sports Direct i’w staff siarad Saesneg yn unig.

“Mae ymdriniaeth druenus Newsnight o’r iaith Gymraeg wedi dangos anwybodaeth lwyr ynghylch ein hiaith a’n hanes,” meddai Leanne Wood.

“Addysg yw’r allwedd i fynd i’r afael â’r fath anwybodaeth. Dylai pob disgybl ledled y Deyrnas Unedig gael dysgu hanes elfennol Cymru a sylweddoli pwysigrwydd ein hiaith yn hanes yr ynysoedd hyn.

“Dw i’n gobeithio y bydd llywodraethau ym mhob rhan o’r Deyrnas Unedig yn ystyried y cynigion hyn fel cam tuag at feithrin mwy o barch rhwng pobl a’i gilydd.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.