Cwest i farwolaeth ffermwr ifanc yn ystod y Sioe Fawr

 


James Corfield Llun: Heddlu Dyfed Powys
Clywodd cwest heddiw bod corff llanc, aeth ar goll yn ystod y Sioe Fawr yn Llanelwedd, wedi’i ddarganfod yn y dŵr yn Afon Gwy gan ddeifwyr.

Cafodd James Corfield, 19 oed, o Drefaldwyn ei weld y tro diwethaf yn nhafarn y White Horse yn Llanfair ym Muallt yn oriau man bore dydd Mawrth, Gorffennaf 25 yn ystod wythnos y Sioe Fawr.

Cafodd y gwasanaethau brys eu hysbysu ar ôl iddo fethu a chwrdd â’i deulu ar faes y sioe lle’r oedd wedi bod yn gwersylla gyda ffrindiau. Roedd aelodau o’r cyhoedd a thimau achub mynydd wedi ymuno yn y chwilio amdano.

Cafwyd hyd i gorff y ffermwr ifanc bum diwrnod yn ddiweddarach.

Cafodd cwest i’w farwolaeth ei agor yn Llys y Crwner yn Aberdâr ddydd Mawrth. Nid yw’r heddlu’n credu bod unrhyw un arall yn gysylltiedig â’i farwolaeth, clywodd y cwest.

Mewn datganiad ar y pryd, dywedodd ei deulu ei fod yn “fachgen fferm a theulu” ac yn chwaraewr criced talentog.

Cafodd y cwest ei ohirio nes bod gwrandawiad llawn yn cael ei gynnal ar 10 Tachwedd yn Neuadd y Dre yn y Trallwng ym Mhowys.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed