Cyhoeddi enw merch un oed fu farw mewn damwain â char

Diweddarwyd am  


Pearl Melody Black, o Heolgerrig, Merthyr Tudful (Llun: Heddlu De Cymru)
Mae Heddlu’r De wedi cyhoeddi enw’r ferch fach blwydd oed fu farw mewn digwyddiad â char ym Merthyr Tudful ddydd Sul.

Bu farw Pearl Melody Black o bentref Heolgerrig ar ôl i gar Range Rover gwag, a oedd wedi’i barcio, lithro i lawr allt a tharo wal tua 1.39yp ddydd Sul, 6 Awst. Fe gwympodd y wal gan anafu’r ferch fach a’i brawd iau.

Cafodd y ddau eu cludo i Ysbyty Tywysog Charles, ond bu farw Pearl Black yn  ddiweddarach. Cafodd ei brawd man anafiadau.

Mewn teyrnged iddi, dywedodd ei rhieni Paul a Gemma Black, ei bod yn “seren ddisglair” ac y bydd “bwlch enfawr yn ein calonnau.”

Mae Paul Black yn artist tatŵ ac yn adnabyddus fel canwr a diddanwr yn y pentref. Roedd wedi ymddangos ar raglen The Voice yn 2014.

Yn ôl un o’i gymdogion roedd wedi ceisio achub ei ferch ond yn ofer. Mae’r teulu’n cael cymorth gan swyddogion arbenigol.

Mae ymchwiliad bellach ar y gweill i amgylchiadau’r digwyddiad.

Dylai unrhyw un a welodd y digwyddiad yn y munudau’n arwain at y ddamwain gysylltu â’r heddlu ar 101 gan nodi’r cyfeirnod 1700305658.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?