Geiriau Mei Mac yn ysbrydoli poster artist Bodedern

Diweddarwyd am  


Geiriau’r prifardd Meirion MacIntyre Huws i’r afon Menai sydd wedi wedi ysbrydoli artist o bentref Bodedern i lunio poster arbennig i nodi ymweliad y brifwyl ag Ynys Mon eleni.

Fe fu Brenda Jones mewn noson farddoniaeth bum mlynedd yn ol yn Nant Gwrtheyrn, lle’r oedd nifer o feirdd yn darllen eu gwaith, a’r gweithiau hynny wedyn yn cael eu gwerthu i godi arian at Eisteddfod yr Urdd Eryri 2012.

Ac yn yr arwerthiant ar ddiwedd y noson y daeth Brenda Jones yn berchennog ar eiriau dramatig Meirion MacIntyre Huws, yn ei lawysgrifen hynod ei hun.

Y gerdd i’r afon Menai, sy’n gwahanu’r Ynys a’r tir mawr, sydd wedi ysgogi’r darlun trawiadol, ac mae ychydig o’r geiriau allweddol yn ymddangos yn y gwaith.

Mae’r bardd yn gweld o dan y llyfnder, ac yn dychmygu duwch gwely’r afon yn debyg i ambell i gyfnod tywyll mewn bywyd.

Y Fenai, gan Mei Mac

Er bod holl swildod y sêr

hyd dy wyneb llyfn tyner

yn wincian, tithau’n hanes

heno yn gwrido’n y gwres;

ac er dy fod yn briodas

o loer ac o fôr mawr glas,

rwy’n gwybod mai tywod du

a welir ar dy wely.

Ym mynwent dy ro manaf

islaw, o’r golwg, sawl haf

a hydref sgen ti’n pydru?

Islaw’r ddôr i’th seler ddu

sawl llofrudd sgen ti’n cuddio?

Sawl can? Sawl enaid? Sawl co?

Sawl un yn wir sy’n nhir neb

dy gwter? Paid ag ateb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd