RSS

Golwg360

MwyCau 

Nifer gwrandawyr Radio Cymru a Radio Wales wedi cynyddu

Awst 5, 2017 20:47


Mae’r nifer o bobol sy’n gwrando ar Radio Cymru, wedi cynyddu, yn ol yr adroddiad ar orsafoedd radio gwledydd Prydain.

Mae’n dangos hefyd bod cynnydd wedi bod yn y nifer sy’n gwrando ar Radio Wales.

Yn ol ffigurau diweddaraf RAJAR, a gyhoeddwyd ddydd Mercher diwethaf (Awst 2) ac sy’n cyfeirio at y chwarter o ddechrau Ebrill hyd at ddiwedd Mehefin 2017, mae 128,000 yn gwrando ar yr orsaf Gymraeg – cynnydd o nawl mil o’r chwarter blaenorol.

Roedd nifer y gwrandawyr yn ystod tri mis cyntaf y flwyddyn, o Ionawr hyd ddiwedd Mawrth 2017, yn 119,000; a’r chwarter cyn hynny (hyd at ddiwedd Rhagfyr 2016) yn 114,000.

Cynnydd i Radio Wales hefyd

Mae ffigurau diweddaraf RAJAR ar gyfer nifer gwrandawyr Radio Wales yn dangos fod 408,000 yn gwrando – sy’n gynnydd o 35,000 o wrandawyr yr wythnos.

Ar gyfer chwarter cyntaf y flwyddyn hon (Ionawr hyd ddiwedd Mawrth) y ffigur oedd 373,000.

Rhwng Hydref a Rhagfyr 2016, roedd y nifer yn 375,000 – cynnydd o 35,000 o’r ffigwr blaenorol o 340,000 ar gyfer haf 2016.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.