Cymry’n gwylio mwy o deledu na gweddill pobol gwledydd Prydain

Diweddarwyd am  


Mae pobol yng Nghymru yn gwylio hanner awr yn fwy o deledu bob dydd na gweddill cenhedloedd y Deyrnas Unedig, yn ôl ymchwil diweddar.

Yn ôl ymchwil gan y rheoleiddiwr darlledu, Ofcom, mae pobl yng Nghymru yn gwylio pedair awr o deledu bob dydd, o’i gymharu â 3 awr 32 munud ar gyfartaledd yng ngweddill gwledydd Prydain.

Mae’n debyg bod y nifer sydd yn gwylio’r teledu yn gostwng yn araf, ond mae ei boblogrwydd yn parhau i fod yn gryf yng Nghymru oherwydd oedran hŷn y gynulleidfa.

Yn ôl yr arolwg mae 91.6% o oedolion yng Nghymru yn gwrando ar y radio ffigur uwch nag yng ngweddill y Deyrnas Unedig.

Hefyd mae’n debyg bod 84% o bobol yng Nghymru yn hoffi gwylio rhaglenni ar-alwad a bod dau draean yn gwneud er mwyn osgoi hysbysebion.

“Rhan annatod o fywyd”

“Mae pobol yng Nghymru yn manteisio ar dechnoleg teledu, ac yn mwynhau’r rhyddid i wylio beth bynnag a phryd bynnag yr hoffent,” meddai Cyfarwyddwr Ofcom yng Nghymru, Rhodri Williams.

“I rai, mae hyn yn golygu mwynhau sawl pennod o gyfres deledu yn rheolaidd o gwmpas y tŷ neu wrth symud o le i le. Ond mae teledu byw yn dal i ddenu pobol ac mae’n rhan annatod o hyd o fywyd teulu, gyda theuluoedd yn dod at ei gilydd yn rheolaidd i gyd-wylio rhaglenni neu ffilmiau.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed