Traeth Rhosili ymysg y goreuon yn y byd

Diweddarwyd  


Does unman yn debyg i adref – ac mae hynny’n sicr yn wir o ran traethau Cymru, yn ôl arolwg diweddar.

Yn ôl y cyhoeddiad ar-lein Suitcase Magazine mae traeth Bae Rhosili ar Benrhyn Gŵyr ymysg deg traeth gorau’r byd.

Yn ymuno â Bae Rhosili ar y rhestr mae traethau yn Fflorida, Gwlad y Thai, y Pilipinas, Panama, Brasil, Hawaii, Polynesia Ffrengig ac Ynysoedd Prydeinig yr Wyryf.

Bae Rhosili yw’r unig draeth Ewropeaidd i gyrraedd y deg safle uchaf, a chafodd y traeth ei henwi yn un o bum man picnic gorau’r Deyrnas Unedig gan bapur y Telegraph.

 “Traeth o’r radd flaenaf”

“Nid yw cydnabyddiaeth fel hon yn newydd i Fae Rhosili, ond yr hyn mae’n ei wneud yw cadarnhau pa mor ffodus ydym ni i gael traeth o’r radd flaenaf ar garreg ein drws yma yn Abertawe,” meddai Aelod Cabinet Cyngor Abertawe dros Ddiwylliant, Twristiaeth a Phrosiectau Mawr, Robert Francis-Davies.

“Mae golygfeydd arfordirol a syfrdanol Abertawe’n rhan allweddol o’n diwylliant, a byddwn yn ceisio dathlu a rhannu’r rhain ymhellach os ydym yn llwyddiannus yn ein cais i fod yn Ddinas Diwylliant y Deyrnas Unedig yn 2021.”

Y traethau gorau

Bae Rhosili, Penrhyn Gŵyr

Ynys Tikehau ym Mholynesia Ffrengig

Traeth De Miami, Fflorida

Koh Krandan, Gwlad Thai

Pamalican, y Philipinas

Bocas del Toro, Panamá

Baia do Sancho, Brasil

Traeth Radhanagar, India

Traeth Honokalani yn Hawaii

Traeth Loblolly yn Ynysoedd Prydeinig yr Wyryf

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed