Rhaid rhoi’r gorau i lo, meddai mudiad ymgyrchu

 


Pwerdy llosgi glo Aberddawan (Nigel Homer CCA2.0)
Mae mudiad sy’n ymgyrchu i gau gorsaf drydan fawr yn ne Cymru yn dweud bod y ffigurau amgylcheddol diweddara’ yn cadarnhau eu barn.

Yn ôl Cyfeillion y Ddaear Cymru, mae ystadegau sy’n dangos gostyngiad mewn nwyon tŷ gwydr ar draws gwledydd Prydain yn dangos bod rhaid rhoi’r gorau i ddefnyddio glo.

Maen nhw’n ymgyrchu ers tro i gau gorsaf drydan Aberddawan ym Mro Morgannwg, un o’r gorsafoedd llosgi glo mwya’ yng ngwledydd Prydain.

Er bod disgwyl i’r orsaf gau yn y 2020au, mae’r mudiad eisiau i Lywodraeth Cymru bwyso i’w chau ynghynt.

Croesawu ffigurau newydd

Mae Cyfeillion y Ddaear Cymru wedi croesawu’r ffigurau a gyhoeddwyd gan yr Adran Dros Strategaeth Diwydiant, Ynni a Busnes sy’n dangos bod lefelau nwyon tŷ gwydr ar draws y Deyrnas Unedig wedi syrthio 6% yn ystod y llynedd.

Yn ôl yr Adran, un o’r prif resymau am hynny oedd llai o ddefnydd o lo i gynhyrchu trydan a’r ffaith fod gwaith dur Redcar wedi cau gan roi’r gorau i losgi glo.

“Mae’r neges o’r data’n glir bod angen cael diwedd ar ddefnyddio glo a gweithreydd glo brig a pharhau yr ymrwymiad i beidio â ffracio,” meddai llefarydd ar ran Cyfeillion y Ddaear Cymru.

Maen nhw’n dadlau hefyd mai presenoldeb pwerdy Aberddawan yw’r prif reswm tros gynnal gweithfeydd glo brig yn y De.

Rhai o’r ffigurau

Yn y sector egni, mae lefelau carbon deuocsid wedi syrthio i 54% lefel 1990, y flwyddyn sylfaen ar gyfer mesur nwyon tŷ gwydr.

Ar y cyfan mae allyriadau nwyon tŷ gwydr y Deyrnas Unedig wedi syrthio 42% ers 1990.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd