Hyfforddwyr a chwaraewyr dan bwysau

 


Capten y Llewod neu beidio - Alun Wyn Jones (Chris Jobling CCA2.0)
Mae sawl gyrfa yn y fantol heno wrth i dîm rygbi Cymru wynebu Iwerddon yng Nghaerdydd.

Fe allai colled arall roi diwedd ar obeithion y prif hyfforddwr tros dro, Robert Howley, o gael y swydd yn barhaol.

Fe allai wneud drwg tymor hir i yrfaoedd gweddill y tîm hyfforddi hefyd, gan gynnwys cyn-fachwr Cymru, Robin McBride.

Fe allai gadarnhau neu roi diwedd ar obeithion clo Cymru Alun Wyn Jones i fod yn gapten ar dîm rhyngwladol y Llewod i Seland Newydd tros yr ha’.

Ac fe allai benderfynu a fydd nifer o chwaraewyr Cymru’n cael eu dewis neu eu gwrthod ar gyfer y daith.

Lle yng Nghwpan y Byd

Mae nifer o sylwebwyr a chyn-sêr rygbi Cymru, gan gynnwys Gareth Edwards, wedi tanlinellu pa mor bwysig yw’r gêm.

Ar ôl colli’n anlwcus yn erbyn Lloegr a chwalu’n llwyr yn yr ail hanner yn erbyn yr Alban, maen nhw’n dweud bod angen perfformiad mawr.

Yn ogystal â’r effaith ar unigolion, fe allai colli eto ei gwneud hi’n fwy anodd i Gymru yn ngornest nesa’ Cwpan y Byd wrth iddyn nhw syrthio i lawr rhestr y timau gorau.

Howley dan bwysau

Ond Robert Howley sydd dan fwya’ o bwysau ar ôl i arbenigwyr godi amheuon am rai o’i benderfyniadau yn ystod y ddwy gêm cyn hon.

Ac mae wedi cael ei feirniadu eto am gadw at yr un tîm a gollodd yn erbyn yr Alban, yn hytrach na chyflwyno chwaraewyr cyffrous newydd, fel y maswr Sam Davies.

Roedd galwadau hefyd am ollwng yr asgellwr o’r Gogledd, George North, ar ôl perfformiad siomedig yng Nghaeredin.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd