RSS

Golwg360

MwyCau 

Adroddiadau ariannol: cynghorau yn dal i wneud camgymeriadau

Mawrth 9, 2017 10:58


Mae cyrff llywodraeth leol Cymru yn “dal i wynebu heriau” o ran paratoi a chyflwyno eu cyfrifon, yn ôl adroddiad sydd wedi ei gyhoeddi heddiw.

Yn ôl adroddiad Swyddfa Archwilio Cymru, er bod gwelliant wedi bod yn safon datganiadau ariannol rhwng 2014-2015 a 2015-2016, mae archwilwyr yn parhau i ddarganfod gwallau.

Wrth wynebu caledi ariannol a therfynau amser cynharach ar gyfer cyflwyno datganiadau ariannol, mae’r adroddiad yn rhybuddio y gall cyrff llywodraethu leol wynebu fwy o her yn y dyfodol wrth baratoi eu cyfrifon.  Ond mae swyddfa’r Archwilydd hefyd yn rhybuddio bod yn rhaid i gynghorau sicrhau eu bod yn byw “o fewn eu modd”.

Daw’r ddogfen yn sgil adroddiad fis Ionawr oedd yn nodi bod 200 o gynghorau cymunedol ‘angen gwella rheolaeth ariannol a llywodraethu‘.

Mynd i’r afael â materion

“Mae’n dda gweld bod awdurdodau lleol yn gwella o ran paratoi eu datganiadau ariannol – ac yn brydlon,” meddai’r Archwilydd Cyffredinol Cymru, Huw Vaughan Thomas.

“Ond, ceir materion sydd angen mynd i’r afael â hwy o hyd, a gobeithiaf y bydd yr adroddiad hwn yn annog rhagor o welliant, yn enwedig ar adeg pan mae gwasanaethau a therfynau adrodd yn mynd yn fwy anodd.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.