RSS

Golwg360

MwyCau 

Gorbryder a straen: galw am drin staff y Gwasanaeth Iechyd yn gynt

Chwefror 22, 2017 07:30 Diweddarwyd Chwefror 21, 2017 18:18


Achosion yn ymwneud ag iechyd meddwl yw’r prif reswm pam y mae staff y gwasanaeth iechyd yng Nghymru yn gofyn am ddiwrnodau i ffwrdd o’r gwaith, yn ôl cais rhyddid gwybodaeth gan y Ceidwadwyr Cymreig.

Roedd y cais yn dangos fod gorbryder, straen, iselder ac anhwylderau seiciatryddol eraill wedi effeithio ar 7,946 o staff y gwasanaeth iechyd yn ystod 2015/16.

Roedd hyn yn gyfrifol am fwy na 345,000 o ddiwrnodau o absenoldeb o’r gwaith, gyda gweithwyr yn cymryd tua 46 diwrnod i ffwrdd, ar gyfartaledd.

Am hynny, mae Aelod Cynulliad y Ceidwadwyr Cymreig, Angela Burns, wedi galw ar Lywodraeth Cymru i gyflwyno system sy’n galluogi gweithwyr y gwasanaeth iechyd i gael triniaeth yn gynt.

‘Mynediad chwim’

“Drwy gyflwyno system mynediad chwim i driniaeth sy’n blaenoriaethu staff y Gwasanaeth Iechyd, gall byrddau iechyd wneud arbedion sylweddol, gan arwain at weithlu mwy cyson ac iachus, sy’n golygu gwell gofal i gleifion,” meddai Angela Burns.

“Dylai Llywodraeth Cymru gydnabod y manteision posib o fynediad chwim i system driniaeth ar draws ein gwasanaeth iechyd,” meddai gan gyfeirio fod system o’r fath ar waith mewn rhai o fyrddau ymddiriedolaeth GIG Lloegr.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.