RSS

Golwg360

MwyCau 

Celpio Prifysgol am roi “bonws” £100,000 i gyn-bennaeth

Chwefror 10, 2017 16:14 Diweddarwyd Chwefror 15, 2017 12:31


April McMahon
Mae undeb myfyrwyr wedi beirniadu prifysgol am roi £100,000 o “fonws” i gyn-bennaeth wedi iddi adael ei swydd.

Yn ôl Rhun Dafydd, Llywydd Undeb Myfyrwyr Cymraeg Aberystwyth (UMCA), mae’r arian a gafodd Yr Athro April McMahon gan Brifysgol Aberystwyth yn “anfoesol”.

Roedd April McMahon yn cael cyflog o £252,000 y flwyddyn ac fe adawodd y brifysgol ym mis Rhagfyr 2015.

Yn ôl Rhun Dafydd nid yw yn haeddu’r bonws, a hynny am fod ‘niferoedd myfyrwyr wedi cwympo, bod y brifysgol wedi syrthio i lawr tablau prifysgolion a bod bodlonrwydd staff wedi bod ar ei isaf’.

Mae llefarydd y Brifysgol wedi dweud wrth golwg360: “Mae’r Brifysgol yn gweithredu ar sail tryloywder ac yn cyhoeddi gwybodaeth am gyflogau staff uwch yn ein cyfrifon blynyddol. Er nad ydym yn trafod manylion achosion unigol yn gyhoeddus, nid yw taliadau o’r fath yn anghyffredin yn y sector ar adeg ymadawiad Is-Ganghellor ac mae unrhyw daliadau ynghlwm ag ymadawiad Is-Ganghellor yn cyd-fynd â gofynion cyfraith cyflogaeth.”

“Ddim yn gwneud synnwyr”

Yn ôl Rhun Dafydd, mae talu £100,000 i’r Athro McMahon yn hurt mewn cyfnod pan fo cynni ariannol o fewn y brifysgol.

“Mewn cyfnod lle mae llawer o brosiectau a datblygiadau sydd er budd y myfyrwyr yn y fantol oherwydd arbedion ariannol y brifysgol, dyw ddim yn gwneud llawer o synnwyr gwario swm anferthol ar fonws unigolyn sydd bellach wedi gadael,” meddai Llywydd UMCA.

“Mae’n fy siomi gan feddwl lle all y brifysgol wedi buddsoddi’r arian yma mewn agweddau fyddai wedi bod er lles y myfyrwyr ar gymuned leol.

“Dyw’r bonws ddim yn gwneud llawer o synnwyr oherwydd yn ystod ei chyfnod fel Is-ganghellor fe welwyd niferoedd myfyrwyr yn cwympo, Y brifysgol yn syrthio i lawr tablau Prifysgolion ac anfodlonrwydd staff ar ei isaf.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.