‘Dim argyfwng’ meddai Llywodraeth Cymru am adrannau brys

 


O wefan Coleg Brenhinol Meddygaeth Frys
Mae Llywodraeth Cymru wedi gwrthod honiadau meddyg amlwg – a’r Blaid Geidwadol – fod gofal brys yng Nghymru mewn “argyfwng”.

Maen nhw’n dweud bod y “mwyafrif llethol” o gleifion yn parhau i dderbyn gofal gorau posib er gwaetha’ pwysau cynyddol yr wythnosau diwetha’.

Ond mae’r sefyllfa yng Nghymru “cynddrwg, os nad gwaeth” na’r sefyllfa yn Lloegr, meddai Robin Roop, Dirprwy Lywydd Coleg Breninol Meddygaeth Frys yng Nghymru.

Wrth i adrannau brys wynebu mwy nag erioed o alw roedd safonau cyflymder triniaeth yn gostwng, roedd wardiau’n rhy llawn ac roedd rhwystrau rhag gollwng cleifion o’r ysbytai wedyn.

O ganlyniad, meddai wrth ITV Cymru, roedd “diogelwch cleifion” mewn peryg.

‘Mwy o farwolaethau’

Roedd y Ceidwadwyr yng Nghymru wedi bachu ar ei sylwadau hefyd gan ddweud bod mwy o farwolaethau gaeaf ychwanegol yma nag yn unrhyw ranbarth yn Lloegr.

Ddiwedd y llynedd, roedd Robin Roop wedi croesawu adroddiad gan un o bwyllgorau’r Cynulliad yn tynnu sylw at broblemau adrannau brys.

Bryd hynny, roedd wedi canmol y Llywodraeth am roi £50 miliwn ychwanegol at ofal brys ond wedi rhybuddio hefyd pa mor fregus oedd y gwasanaeth.

“Does dim mwy o angen wedi bod erioed am fuddsoddi ehachach mewn gofal brys yn ogystal ag mewn gofal meddygon teulu a gofal cymdeithasol,” meddai.

Mae’r Coleg wedi cefnogi galwad am gael nifer o wasanaethau, gan gynnwys gofal meddygon teulu fin nos ac ar benwythnos, ar safleoedd adrannau brys.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd