Llais ffermwyr ifanc yn ‘hanfodol’

Diweddarwyd am  


Guto Bebb AS
Ar ail ddiwrnod y Ffair Aeaf yn Llanelwedd, fe fydd Gweinidog Swyddfa Cymru yn gofyn i  ffermwyr ifanc ddangos angerdd a chodi llais os ydyn nhw am warchod eu treftadaeth amaethyddol.

Daw galwad Guto Bebb wrth iddo ymweld â’r ffair amaethyddol er mwyn cyfarfod cynrychiolwyr o Glybiau Ffermwyr Ifanc Cymru.

“Mae wir yn bwysig bod ffermwyr ifanc heddiw’n parhau i deimlo’n angerddol am eu treftadaeth,” meddai’r AS dros Aberconwy.

“Mae dyfodol y diwydiant ffermio, sy’n asgwrn cefn amaethyddiaeth Cymru, yn eu dwylo nhw.

“Rydw i’n eu herio i ddal ati i fod yn optimistig am eu diwydiant – ac mae rhesymau da dros deimlo’n bositif am ddyfodol ffermio.

“Ffermwyr Ifanc Cymru sy’n cynrychioli’r genhedlaeth nesaf yn y byd ffermio yng Nghymru. Chi ydi’r arbenigwyr, mae eich llais yn hanfodol, felly lleisiwch eich barn.”

Y cystadlu

Mae gan Ffermwyr Ifanc Cymru fwy na 5,000 o aelodau gweithredol (rhwng 10 a 25 oed) mewn 157 o glybiau ledled Cymru wledig.

Mae mwy na 1,300 o wartheg, defaid, moch a cheffylau wedi cofrestru ar gyfer yr ŵyl ddeuddydd yn Llanelwedd ynghyd â 180 o garcasau ŵyn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd