“Gellid fod wedi achub claf” meddai adroddiad wrth Glan Clwyd

Diweddarwyd am  


Gellid fod wedi osgoi marwolaeth claf yn Ysbyty Glan Clwyd oedd yn dioddef o ganser y coluddyn, yn ôl Ombwdsmon Gwasanaethau Cyhoeddus Cymru.

Mae Bwrdd Iechyd Prifysgol Betsi Cadwaladr dan y lach am fethiannau yn y gofal a dderbyniodd ‘Mr M’.

Cafodd y “cyfnod truenus o amser” a gymerodd i ymdrin â chwyn ei feirniadu gan Nick Bennett hefyd.

Hanes ‘Mr M’

Aeth ‘Mr M’ i Ysbyty Glan Clwyd am lawdriniaeth oedd wedi cael ei threfnu ymlaen llaw er mwyn cael tynnu tiwmor o’i goluddyn.

Er i brofion gwaed ddangos lefelau anghyffredin o CRP oedd yn awgrymu llid yn y coluddyn, ni chafodd y canlyniadau eu hadolygu gan arbenigwyr.

Cafodd lawdriniaeth arall i drwsio’r llid ond fe fu farw’r diwrnod canlynol o ganlyniad i fadredd difrifol.

Yn dilyn ei farwolaeth, gwnaeth ei ferch, Ms A, gwyno wrth nyrsys am y gofal a gafodd ar ôl y llawdriniaeth, ond cafodd ei phryderon eu hanwybyddu a doedd dim cofnod ohonyn nhw.

Bu’n rhaid aros wyth mis am ymateb pan wnaeth hi gwyno wrth y bwrdd iechyd.

Ffaeleddau

Yn ôl yr ombwdsmon, Nick Bennett, roedd nifer o ffaeleddau clinigol wedi arwain at farwolaeth y claf, gan gynnwys:

* Methu â chydnabod a monitro abnormalrwydd ym mhrofion gwaed y claf, ynghyd â nifer o arwyddion eraill o’i gyflwr

* Diffyg adolygiad gan glinigwr o brofion gwaed a fyddai wedi gallu arwain at driniaeth gynnar

* Methu â rheoli madredd

Cafodd pryderon eu mynegi hefyd am onestrwydd yr ymchwiliad y bwrdd iechyd i’r gofal a dderbyniodd tra ei fod yn yr ysbyty.

Daeth yr ymchwiliad hwnnw i’r casgliad bod y claf wedi derbyn gofal priodol.

‘Cyfleoedd i achub ei fywyd wedi’u colli’

Mewn datganiad, dywedodd yr ombwdsmon Nick Bennett: “Er fy mod yn derbyn bod gan unrhyw driniaeth elfen o risg, alla i ddim anwybyddu’r tebygolrwydd y byddai’r canlyniad wedi gallu bod yn wahanol iawn petai’r clinigwyr wedi ymyrryd yn gynt yng ngofal ar ôl llawdriniaeth Mr M.

“Fydd teulu Mr M byth yn siŵr a oedd modd osgoi ei farwolaeth a bydd rhaid iddynt fyw gan wybod bod cyfleoedd i achub ei fywyd wedi cael eu colli, sy’n anghyfiawnder sylweddol.

“Rwyf hefyd yn hynod o siomedig o adolygiad cwbl annerbyniol y Bwrdd Iechyd o ofal Mr M, ac am iddynt gymryd gormod o amser o lawer yn ymateb i gŵyn Ms A.

“Rwyf wedi gwneud nifer o argymhellion i’r Bwrdd Iechyd, gan gynnwys talu £8,000 i Ms A i wneud iawn am y gofid a achoswyd gan y methiannau. Er bod y Bwrdd Iechyd yn honni ei fod wedi dysgu o’r achos hwn, a’i fod yn mynd i flaenoriaethu defnydd o’r llwybr gofal sepsis o hyn ymlaen, yn anffodus, mae’n rhy hwyr i Mr M.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer