BHS – gweithwyr yn aros am fanylion

 


Un o'r sioau sy'n cau (Mtayor848 CCA 4.0)
Mae gweithwyr BHS yng Nghymru yn aros i glywed pa mor hir y bydd y siopau’n aros yn agored i werthu’r stoc sydd ar ôl.

Mae’n bosib y bydd rhai siopau yn cael eu gwerthu fesul un wrth i’r cwmni ddod i ben – ond does dim manylion eto.

Yn y cyfamser, mae un o gyn-weithwyr BHS wedi lansio ymgyrch ar-lein yn galw ar y cyn-berchennog Philip Green i ddadwneud y golled ym mhensiwn miloedd o weithwyr a chyn-weithwyr.

Siopau Cymru

Mae cannoedd o swyddi yn y fantol yng Nghymru mewn chwech o siopau ar ôl i’r gweinyddwyr swyddogol fethu â chael cwsmer i brynu’r cwmni.

Mae siopau Cymreig y cwmni yng Nghaerfyrddin, Abertawe, Bae Caerdydd, Casnewydd, Wrecsam a Llandudno.

Ledled gwledydd Prydain, fe fydd 163 o siopau’r stryd fawr yn cau yn ystod yr wythnosau nesa’ ac fe fydd tuag 11,000 o bobol yn colli eu gwaith.

Yn ystod eu cyfnod yn berchen ar y cwmni, roedd Philip Green a’i deulu wedi tynnu cannoedd o filiynau o bunnoedd o’r busnes – swm sy’n agos iawn at y bwlch yn y gronfa bensiwn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?