Cynllun ‘Banciau Ynni’ i Gymru

Diweddarwyd am  


Banc bwyd Llun: Ymddiriedolaeth Trussell
Fe fydd y cynllun sy’n cynnig talebau ynni ar gyfer pobol sy’n defnyddio banciau bwyd yn y Deyrnas Unedig yn cael ei ymestyn at ddeg ardal newydd yn ystod y misoedd nesaf.

Un o’r ardaloedd hynny yw Caerdydd, lle gall pobol sydd eisoes yn defnyddio’r Banc Bwyd yno fanteisio ar dalebau ynni hefyd.

Bwriad y cynllun yw cynorthwyo pobol sy’n gorfod penderfynu rhwng bwyta a chadw’n gynnes, ac fe gafodd ei dreialu am dri mis yn Lloegr y llynedd.

‘Gwahaniaeth mawr’

Mae pobol sy’n cael eu cyfeirio at fanciau bwyd, ac sy’n defnyddio mesuryddion talu o flaen llaw, yn gymwys ar gyfer y cynllun.

Mae elusennau a mudiadau fel National Energy Action (NEA) wedi bod yn cydweithio â NPower er mwyn gweithredu’r cynllun sy’n cynnig talebau gwerth £30 tan ddiwedd mis Hydref, gyda’r swm yn codi i £49 yn ystod misoedd y gaeaf.

Yn ôl Prif Weithredwr NEA, Jenny Saunders, mae’r talebau ynni wedi gwneud “gwahaniaeth mawr i deuluoedd” yn yr ardaloedd peilot.

“Roedden nhw’n helpu teuluoedd gyda’u cyllideb cartref ehangach hefyd ac yn rhyddhau straen a phryder gan sicrhau eu bod yn medru cael y pethau sylfaenol mewn bywyd teuluol – sy’n aml yn cael eu cymryd yn ganiataol gan nifer.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed