Mae dyn 28 oed wedi cael ei arestio ar amheuaeth o lofruddio dyn 36 oed yng Nghasnewydd neithiwr.
Cafodd Heddlu Gwent eu galw i dŷ yn Clarence Place yn y ddinas am 7.50yh nos Fawrth, 24 Tachwedd yn dilyn adroddiadau bod dau ddyn wedi cael eu trywanu.
Cafodd dau ddyn – y naill yn 36 oed a’r llall yn 28 oed – eu cludo i Ysbyty Brenhinol Gwent.
Bu farw’r dyn 36 oed yn ddiweddarach.
Mae dyn 28 oed yn cael ei holi yn y ddalfa ar amheuaeth o lofruddio.
Dydy’r heddlu ddim yn chwilio am unrhyw un arall mewn perthynas â’r achos.
