Cylchgrawn llenyddol newydd ar ei ffordd

 


Mae Cyngor Llyfrau Cymru wedi cyhoeddi mai cwmni O’r Pedwar Gwynt sydd wedi cael y grant o £20,000 y flwyddyn i gyhoeddi cylchgrawn llenyddol tan 2019.

Bydd y cylchgrawn newydd yn cymryd lle’r cylchgrawn Taliesin ac yn cael ei olygu gan Sioned Puw Rowlands ac Owen Martell, gyda Mari Siôn yn Rheolwr Golygyddol a Chynhyrchydd. Mae’r fenter newydd wedi ei sefydlu mewn partneriaeth â Phrifysgol Bangor, gyda’r bwrdd yn cael ei gadeirio gan Yr Athro Angharad Price.

Dywedodd Robat Arwyn, Cadeirydd y Panel Cyfweld a Chadeirydd Panel Grantiau Cyhoeddi Cymraeg y Cyngor Llyfrau: “Roedd yn braf iawn derbyn dau gais o’r safon uchaf a hynny gan ddwy fenter newydd.”

Ychwanegodd:  “Cawsom ein cyffroi gan gais O’r Pedwar Gwynt a oedd yn gyfuniad bywiog o gylchgrawn print a deunydd digidol ychwanegol ar-lein. Fel cwmni newydd roeddynt hefyd wedi rhoi sylw arbennig i strwythur y fenter newydd a’r gefnogaeth weinyddol ac ymarferol a oedd ei hangen i sicrhau llwyddiant.

“Credwn yn gryf fod cyfle o’r newydd i roi sylw haeddiannol i’n llenyddiaeth mewn cylchgrawn bywiog fydd â’r nod o ymestyn at gynulleidfa newydd.”

Yr aelodau eraill o fwrdd rheoli O’r Pedwar Gwynt  fydd Jon Gower, Llŷr Gwyn Lewis, Eirian James, Carl Morris a Lefi Gruffudd. Sicrhawyd cefnogaeth Gwyneth Lewis, Gwyn Thomas a Ned Thomas; cwmni cysylltiadau cyhoeddus Four Cymru a Wales PEN Cymru.

Y bwriad yw cyhoeddi’r rhifyn cyntaf erbyn yr Eisteddfod y flwyddyn nesaf.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019