Guto Harri yn gadael News UK ar ôl tair blynedd

Diweddarwyd am  


Guto Harri
Mae Guto Harri, Cyfarwyddwr Cysylltiadau Cyhoeddus News UK wedi cyhoeddi y bydd yn gadael y cwmni ar ôl gweithio yno am dair blynedd.

Fe fydd y Cymro yn gadael y cwmni ddechrau’r flwyddyn, ac fe ddywedodd fod ei “waith wedi’i wneud” yno.

Fe ymunodd Guto Harri â News UK yn 2012, gan gydweithio â chyhoeddwyr fel The Sun, Times a’r Sunday Times.

Mewn neges e-bost at ei gydweithwyr, fe ddywedodd Guto Harri fod ei “waith wedi’i wneud” yn y cwmni, ag yntau wedi helpu News UK i adennill ffocws yn dilyn y sgandal hacio ffonau a ddigwyddodd yn y cyfnod cyn hynny.

‘Ailadeiladu pontydd’

Fe ddywedodd Guto Harri ei fod yn falch i “wyrdroi’r sylw ofnadwy wrth y cwmni” mewn perthynas â’r sgandal.

Fe ddywedodd y gall y cwmni ganolbwyntio’n awr ar ei bortffolio papur newydd dan arweiniad Rebekah Brooks – a ddychwelodd fel Prif Weithredwr ym mis Medi, blwyddyn wedi iddi ei chael yn ddieuog  o gyhuddiadau’n ymwneud â’r sgandal hacio ffonau.

Ar wefan Twitter, fe wnaeth Guto Harri ddiolch i bawb yn News UK am “helpu i adfer ysbryd hyder, ailadeiladu pontydd gwleidyddol a brwydro yn erbyn y sylw ofnadwy o’r cwmni.”

Fe ddywedodd hefyd ei fod yn falch o weithio “â rhai o’r newyddiadurwyr print gorau yn y byd.”

Cyn ymuno â News UK bu Guto Harri, sy’n wreiddiol o Gaerdydd, yn ohebydd gwleidyddol i’r BBC, ynghyd â bod yn gyfarwyddwr materion allanol i Faer Llundain, Boris Johnson.

Nid yw Guto Harri wedi datgelu hyd yn hyn beth fydd ei rôl nesaf ac nid yw News UK wedi cyhoeddi pwy fydd ei olynydd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed