Nofel Daniel Owen: “ymchwiliad yn parhau”

 


Mae Heddlu Gogledd Cymru yn dal i ymchwilio i achos y nofel “ffiaidd” a gafodd ei hanfon i mewn i gystadleuaeth Gwobr Goffa Daniel Owen eleni.

Er nad oes “newydd pellach i’w adrodd hyd yma”, yn ol yr heddlu, maen nhw wedi cadarnhau wrth golwg360 heddiw fod yr ymholiadau yn parhau wrth geisio dod o hyd i awdur a anfonodd nofel Gymraeg, 50,000 o eiriau a ddisgrifiwyd fel un bornograffig ac anifeilaidd i swyddfa’r brifwyl yn Yr Wyddgrug.

“Dydan ni ddim yn barod i wneud sylw am fod yr ymchwiliad yn parhau,” meddai llefarydd ar ran Heddlu Gogledd Cymru. “Does ganddon ni ddim newydd pellach hyd yma,”

Roedd awdurdodau’r Brifwyl wedi cyflwyno’r gwaith i Heddlu Gogledd Cymru am ei bod yn ystyried y gwaith yn “groes i gyfraith gwlad”, ac am eu bod yn pryderu y gallai arwain at droseddu pe bai’r awdur yn cario allan rai o’r ffantasïau a grynhoir yn y gyfrol.

Cafodd y nofel ei diarddel o’r gystadleuaeth yn yr Eisteddfod Genedlaethol am nad oedd yr awdur wedi cydymffurfio â’r rheolau cystadlu ac am fethu â llenwi’r gwaith papur priodol… ond nid cyn i’r beirniaid dderbyn copïau o’r nofel a dechrau ei darllen.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd