Dinistrio car ar faes yr Eisteddfod

Diweddarwyd am  


Protest Cymdeithas yr Iaith
Mae ymgyrchwyr iaith wedi dinistrio car o flaen stondin Llywodraeth Cymru ar faes yr Eisteddfod ym Meifod mewn protest yn erbyn dysgu’r pwnc Cymraeg Ail Iaith.

Yn ôl Cymdeithas yr Iaith, mae’r pwnc Cymraeg Ail Iaith yn yr ysgol yn “write off” – fel y car ar y maes heddiw – ac fe ddylid cael gwared arni.

Yn hytrach, mae’r ymgyrchwyr yn galw ar Lywodraeth Cymru i gyflwyno Cymraeg i bawb ar hyd continwwm iaith yn y cwricwlwm newydd.

Fideo o’r brotest:

Trefnu cyfarfod

Dywedodd Cymdeithas yr Iaith eu bod eisoes wedi trefnu cyfarfod â’r Gweinidog Addysg, Huw Lewis, i drafod eu pryderon yn yr hydref.

Mae’r mudiad am i Lywodraeth Cymru gyflwyno rhywfaint o addysg cyfrwng Cymraeg i bob plentyn yng Nghymru fel y daw pob disgybl i fedru cyfathrebu’n Gymraeg a defnyddio’r iaith.

“Go brin fod unrhyw sefyllfa erioed wedi bod yn gliriach,” meddai Ffred Ffransis, llefarydd addysg Cymdeithas yr Iaith, ar ôl y brotest.

“Mae holl syniad Cymraeg Ail Iaith yn fethiant – yn fethiant addysgol ac yn bradychu’r disgyblion. Petai Cymraeg ail iaith yn gerbyd, byddai’n “write-off”!”

Yn ôl cadeirydd Cymdeithas yr Iaith Jamie Bevan mae’r sefyllfa bresennol yn “sarhaus” i’r Gymraeg, a dywedodd bod “pob un plentyn yn haeddu addysg cyfrwng Cymraeg cyflawn”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones