RSS

Golwg360

MwyCau 

Gŵyl newydd i ddathlu hen grefftau

Mai 23, 2015 12:04


Amgueddfa Werin Cymru, Sain Ffagan
Dathlu crefftau drwy’r oesoedd y bydd gŵyl newydd sy’n cael ei chynnal yn Sain Ffagan ddydd Mercher nesaf.

Fe fydd cyfle i weld dros 50 o grefftwyr yn Amgueddfa Werin Cymru yn arddangos crefftau traddodiadol gan gynnwys naddu meini, gwneud basgedi a rhaffau, cerfio pren, ynghyd â chrefftau’r gof, y clocsiwr a’r gwehydd.

Mae’r Ŵyl Grefftau Treftadaeth yn cael ei chynnal fel rhan o gynllun OpenArch, a noddir gan arian Ewropeaidd, ac sy’n galluogi’r Amgueddfa i groesawu crefftwyr o Gatalonia, yr Almaen, yr Eidal a Sweden. Yn sgil hyn, fe fydd cyfle i weld dulliau hela pobl cynhanesyddol yng ngogledd Ewrop, sut oedd y Rhufeiniaid yn coginio yn nwyrain yr Ymerodraeth, crochenwaith yn yr Eidal yn Oes yr Haearn, sut oedd Celtiaid Iberia yn creu basgedi a sut oedd y Llychlynwyr yn gweithio haearn.

Mae mynediad am ddim i’r Wyl, a bydd yn agored rhwng 10am a 5pm ddydd Mercher 27 Mai.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.