Y Mynydd Du yn cael llwybr gwyn

 


John Griffiths fydd yn lansio'r llwybr
Mae llwybr gwyn wedi ei agor tros y Mynydd Du yn Sir Gaerfyrddin.

Heddiw yw diwrnod lansiad swyddogol Llwybr Chwareli’r Mynydd Du – rhan o’r prosiect CALCH gwerth £300,000 sy’n dathlu hanes chwareli calchfaen y mynydd rhwng Brynaman a Llandeilo.

Yn anterth y diwydiant, roedd cynnyrch y chwareli’n cael ei alw’n “aur gwyn”.

Mae’r llwybr – sy’n cynnwys taflenni, trac sain ac App – wedi ei greu gan Ymddiriedolaeth Archeolegol Dyfed Powys i arwain pobol o chwarel i chwarel.

Mae nifer o wirfoddolwyr yn rhan o’r lansiad – roedden nhw wedi helpu i weithio ar yr arolwg o’r safle ac wedyn y gwaith cloddio archeolegol a datblygu’r llwybr.

‘Cartref ysbrydol’

Llais y darlledwr Roy Noble sy’n tywys ymwelwyr tros y mynydd ac fe fydd yntau yn y lansiad gyda’r Gweinidog Treftadaeth, John Griffiths.

“Y Mynydd Du yw fy nghartref ysbrydol,” meddai Roy Noble sy’n dod o Frynaman. “Felly mae unrhyw ddigwyddiad neu fenter sy’n adrodd hanes chwedlau, digwyddiadau a lle dyn ar y rhostir hudol yma yn cael fy nghefnogaeth.

“Mae cael fy llais yn adrodd stori’r calch a’i defnydd yma yn bleser ychwanegol i fi.”

Yn ôl John Griffiths mae’r llwybr yn dweud hanes sydd wedi’i anghofio – am gyfraniad y chwareli at “adeiladu Cymru”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?