Mewnfudo’n amlwg ymhlith pryderon am yr iaith

 


Y Gynhadledd Fawr yn Aberystwyth y mis diwethaf
Mewnfudo a chyflwr yr economi oedd rhai o brif bryderon y rhai a gymerodd ran yn nhrafodaeth genedlaethol Llywodraeth Cymru ar ddyfodol yr iaith.

Mae’r llywodraeth wedi cyhoeddi dadansoddiad cychwynnol o’r ymatebion yn  sgil y Gynhadledd Fawr fis yn ôl, pryd y cafodd pobl o bob rhan o Gymru gyfle i rannu eu syniadau.

Fe ddaeth 160 o bobl i’r Gynhadledd Fawr ar 4 Gorffennaf, gyda 816 yn ei dilyn ar-lein, ac fe ddaeth 880 o negeseuon i law ar y diwrnod.  Yn ogystal, fe fu pobl i 20 o grwpiau ffocws lleol a chafodd 2,393 o arolygon barn ar-lein eu cwblhau

Wrth grynhoi’r sylwadau, dywed y llywodraeth fod “pobl Cymru’n teimlo bod polisïau Llywodraeth Cymru ar y Gymraeg yn dilyn y trywydd iawn ond bod angen gwneud mwy i sicrhau dyfodol yr iaith”.

Roedd y rhai a ymatebodd o’r farn hefyd fod angen hyrwyddo’r manteision sy’n deillio o’r iaith.

Wrth gyfeirio at y Gynhadledd Fawr yn ystod ei ymweliad â maes yr Eisteddfod yn Ninbych heddiw, meddai’r Prif Weinidog Carwyn Jones:

“Mae llawer i’w wneud eto, ond dw i wedi ymrwymo i weithio i sicrhau bod y Gymraeg yn parhau i ffynnu.

“Dim ond y cam cyntaf yn y broses hon oedd y Gynhadledd Fawr. Byddwn ni nawr yn mynd ati i ystyried yn ofalus yr adborth a gafwyd er mwyn sicrhau bod sylwadau’r cyfranwyr yn ein helpu i lunio ein polisïau a’n gweledigaeth ar gyfer yr iaith yn y dyfodol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed