RSS

Golwg360

MwyCau 

Gwerth allforion bwyd a diod Cymru wedi cynyddu 20%

Gorffennaf 12, 2017 14:28


Cig a chynhyrchion cig oedd ar frig y rhestr o allforion Llun: Hybu Cig Cymru
Mae gwerth y bwyd a diod sy’n cael eu hallforio o Gymru wedi cynyddu bron i 20% yn ystod y flwyddyn ddiwethaf, yn ôl yr ystadegau diweddaraf.

Yn ôl ystadegau Llywodraeth Cymru mi wnaeth gwerth allforion bwyd a diod o Gymru godi i £337.3 miliwn y llynedd – cynnydd o 19.8% o’i gymharu â’r un cyfnod yn 2015.

Yr Undeb Ewropeaidd sy’n mewnforio’r rhan fwyaf o allforion bwyd a diod o Gymru  – maen nhw’n mewnforio 72.4% o gyfanswm ein hallforion.

Er hynny mae’n debyg bod cynnydd mawr wedi bod yn yr allforion i’r Dwyrain Canol a Gogledd Affrica.

Cig a chynhyrchion cig oedd ar frig y rhestr o allforion am y flwyddyn, ac roedden nhw’n gyfrifol am bron i 22% o’r holl allforion bwyd a diod.

Enw da ledled y byd

“Rydym yn ymfalchïo’n fawr yn ansawdd uchel ein bwyd a’n diod, ac yn cydnabod eu gwerth aruthrol i’n heconomi,” meddai Ysgrifennydd yr Amgylchedd a Materion Gwledig, Lesley Griffiths. “Mae’r ffigurau hyn yn dystiolaeth bellach o’r enw da y mae ein bwyd a’n diod yn ei ennill ledled y byd.

“Yr Undeb Ewropeaidd yw’r prif gwsmer ar gyfer ein cynnyrch o hyd, a hynny o bell ffordd. Mae’n dystiolaeth bellach o fygythiad Brexit caled i’n heconomi, a dyna pam rydyn ni’n parhau i bwyso ar Lywodraeth y Deyrnas Unedig  … i osgoi codi unrhyw rwystrau newydd sy’n llesteirio busnesau bwyd a diod Cymru rhag gweithio’n effeithiol.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.