RSS

Golwg360

MwyCau 

Undeb ffermwyr yn siomedig gyda thoriad mewn pris llaeth

Mai 25, 2017 11:47 Diweddarwyd am 11:53


Mae undeb ffermwyr wedi’i siomi gyda thoriad pellach i bris llaeth yr wythnos hon.

Yn ol NFU Cymru, mae’r ffaith bod cwmni prosesu llaeth UK Arla Farmers bellach yn talu 0.4c y litr yn llai i gynhyrchwyr, yn “sioc” – yn enwedig ar ddiwrnod pan gyhoeddwyd bod gwerthiant cynnyrch fel menyn ar ei uchaf.

“Dim ond y mis diwethaf y gwnaethon ni ganmol UK Arla Farmers am gefnogi ein haelodau yng Nghymru a gwledydd eraill Prydain,” meddai Aled Jones, Cadeirydd Bwrdd Llaeth yr undeb.

Yr wythnos ddiwethaf, cafodd ymwelwyr â chynhadledd i’r diwydiant llaeth wybod bod marchnadoedd menyn yr Undeb Ewropeaidd yn llewyrchus iawn, gan ragweld prisiau yn codi i 5,400 a 5,500 ewro (neu £4,720) ar gyfer misoedd Mehefin a Gorffennaf.

“Hoffem i wybod pwy sy’n manteisio ar y prisiau uchel hyn, oherwydd nid y ffermwyr llaeth ydyn nhw,” meddai Aled Jones wedyn.

“Gyda phrisiau’n codi ar ochr y farchnad, mae yna ddisgwyliadau i hyn ddigwydd ar yr ochr gyflenwi yn ogystal. Os bydd gennym ni farchnad mwy tryloyw bydd hyn yn adeiladu ymddiriedaeth ar draws y gadwyn gyflenwi.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.