Economi Prydain yn tyfu… ond y cynnydd yn llai na’r disgwyl

Fe dyfodd economi Prydain wedi tyfu’n llai na’r disgwyl yn ystod misoedd cyntaf eleni, yn ôl yr ystadegau diweddaraf.

Yn ôl ffigurau’r Swyddfa Ystadegau cynyddodd cynnyrch domestig gros (GDP) gan 0.2% yn ystod tri mis cyntaf 2017 – llai na’r 0.3% yr oedd arbenigwyr wedi rhagweld.

Mae’n debyg mai pwysau ar y diwydiant gwasanaethau a’r lefel chwyddiant uchaf mewn pedair blynedd, oedd yn bennaf gyfrifol am gynnydd llai na’r disgwyl.

Cynnydd a chwymp

“Gwnaeth diwydiannau sydd yn delio â chwsmeriaid gan gynnwys diwydiannau siopau a gwestai weld cwymp, ac mi ddisgynnodd gwariant,” meddai adroddiad y Swyddfa Ystadegau.

“Roedd hyn yn rhannol oherwydd prisiau yn cynyddu. Bu ychydig o gynnydd o fewn diwydiannau adeiladu a chynhyrchu, ac mi wnaeth sectorau busnes a chyllid dyfu’n gryf.”