RSS

Golwg360

MwyCau 

Dirprwy lywodraethwr Banc Lloegr wedi ymddiswyddo

Mawrth 14, 2017 11:51 Diweddarwyd am 11:52


Banc Lloegr Llun: PA
Mae dirprwy lywodraethwr Banc Lloegr wedi ymddiswyddo wedi iddi ddod dan y lach am dorri cod ymddygiad y banc ar ôl methu a datgan bod ei brawd yn gweithio i Barclays.

Roedd Charlotte Hogg wedi cynnig ymddiswyddo wythnos ddiwethaf cyn anfon llythyr at lywodraethwr Banc Lloegr Mark Carney ddydd Llun, yn mynnu y dylai hi gamu o’i swydd.

Cafodd ei llythyr ei wneud yn gyhoeddus ddydd Mawrth, funudau’n unig ar ôl i Bwyllgor Dethol y Trysorlys gyhoeddi adroddiad oedd yn dweud “nad oedd ei gallu proffesiynol yn cwrdd â’r gofynion” sydd eu hangen i gyflawni ei rôl fel dirprwy lywodraethwr y banc.

Mae Charlotte Hogg wedi ymddiheuro wrth y Pwyllgor am beidio â datgelu’n swyddogol bod ei brawd, Quintin, yn gyfarwyddwr strategaeth gyda grŵp Barclays.

Roedd wedi methu a datgelu’r cysylltiad sawl gwaith ers ymuno a’r Banc yn 2013. Cafodd ei phenodi yn ddirprwy lywodraethwr ar ddechrau mis Mawrth.

Dywedodd Mark Carney ei fod yn siomedig bod Charlotte Hogg wedi penderfynu ymddiswyddo gan ddweud bod ei chyfraniad wedi bod yn sylweddol a’i bod wedi gwneud y Banc yn “gryfach, mwy diogel ac effeithiol.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.