RSS

Golwg360

MwyCau 

Vodafone yn creu 2,100 o swyddi

Mawrth 13, 2017 07:55


Mae cwmni ffonau Vodafone wedi cyhoeddi y bydd yn creu 2,100 o swyddi fel rhan o’u cynlluniau i ehangu’r busnes.

Fe fydd y swyddi gwasanaeth cwsmeriaid yn cael eu creu yng Nghymru, yr Alban, a chanolbarth a gogledd Lloegr dros y ddwy flynedd nesaf.

Dywed Vodafone y bydd yn creu 800 o swyddi yn ei ganolfan gwasanaeth cwsmer ym Manceinion, gyda 150 yn Newark, 150 yn Stoke-on-Trent a tua 100 yng Nglasgow.

Yn ogystal, bydd partneriaid Vodafone sy’n darparu gofal cwsmeriaid yn creu 100 o swyddi newydd yng Nghaerdydd, 600 yn Newcastle upon Tyne a bron i 200 yng ngorllewin yr Alban.

Dywedodd prif weithredwr Vodafone yn y Deyrnas Unedig Nick Jeffery y byddai’r swyddi newydd yn gwneud “gwahaniaeth mawr” i’r 18 miliwn o gwsmeriaid yn y DU fel rhan o gynllun buddsoddi gwerth £2 biliwn dros gyfnod o dair blynedd.

“Ein nod yw rhoi’r profiad gorau posib i’n cwsmeriaid, gan ddarparu lefel o wasanaeth a chymorth arbennig wrth i ni barhau i fuddsoddi mewn adeiladu’r rhwydwaith mwyaf a gorau ym Mhrydain.”

Mae Vodafone yn cyflogi 3,700 o weithwyr yn ei wasanaeth gofal cwsmeriaid yn y DU – 2,450 o fewn y cwmni a 1,250 gyda phartneriaid eraill.

Mae gan y cwmni tua 12,500 o weithwyr yn y DU.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.