Llywodraeth Cymru ‘am fuddsoddi’ i helpu’r diwydiant dur

 


Ken Skates - galw ar Lywodraeth Prydain (Llun Cynulliad)
Fe fydd Llywodraeth Cymru yn bwrw ymlaen gyda chyfres o fuddsoddiadau i helpu gweithfeydd dur cwmni Tata, meddai Ysgrifennydd yr Economi.

Yn dilyn pleidlais y gweithwyr i dderbyn gostyngiad pensiwn er mwyn achub 8,000 o swyddi, fe ddywedodd Ken Skates y bydden nhw’n helpu gyda moderneiddio rhannau o’r gweithfeydd a gwella sgiliau gweithwyr.

Ond fe alwodd hefyd ar i Lywodraeth Prydain weithredu mewn nifer o feysydd gan gynnwys arian ar gyfer Ymchwil a Datblygu, torri cost ynni a sicrhau amodau ffafriol o dan y cytundeb i adael yr Undeb Ewropeaidd.

Roedd Llywodraeth Cymru’n cefnogi tair rhaglen fuddsoddi newydd, meddai Ken Skates wrth Radio Wales, gan gynnwys gwaith ynni.

Galw ar Lywodraeth Prydain

Ond roedd ganddo gyfres o alwadau ar Lywodraeth Prydain hefyd …

  • I sicrhau bod y diwydiant dur yng Nghymru’n derbyn cyfran “sylweddol” o gyllideb £2 biliwn i gefnogi Ymchwil a Datblygu.
  • Fe fyddai Brexit yn cynnig bygythiadau a chyfleoedd, meddai, ond roedd sicrhau mynediad i farchnad ddur agored yn gwbl allweddol, meddai.
  • Gyda chwymp yng ngwerth y bunt yn ei gwneud hi’n haws allforio ond yn ddrutach i brynu deunyddiau, fe alwodd ar Lywodraeth Prydain i sicrhau sefydlogrwydd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd