RSS

Golwg360

MwyCau 

Gweithwyr niwclear yn ystyried streic dros bensiynau

Ionawr 9, 2017 15:35


Wylfa, Ynys Môn
Mae miloedd o weithwyr niwclear ar draws Prydain yn wynebu pleidlais i gynnal streic ai peidio yn dilyn anghydfod  ynglŷn â phensiynau.

Bydd hyn yn effeithio ar weithwyr Magnox yn Wylfa, Ynys Môn ynghyd â 16,000 o aelodau o wahanol undebau llafur sy’n gweithio ar safleoedd niwclear ar draws y Deyrnas Unedig.

Mae’r undebau’n gwrthwynebu cynlluniau’r Awdurdod Dadgomisiynu Niwclear i wneud arbedion o hyd at £660miliwn, gan honni eu bod am adrefnu cynlluniau pensiwn y gweithwyr erbyn Ebrill 2018.

‘Bygythiad difrifol’

Dywedodd llefarydd ar ran yr undeb Unite fod hwn yn peri pryder am fod “incwm ymddeol 16,000 o weithwyr y diwydiant niwclear o dan fygythiad difrifol oherwydd cynllwynion ariannol y Trysorlys.”

Dywedodd y llefarydd eu bod wedi trefnu cyfarfod gweinidogol ddydd Mercher, ond fod hwnnw wedi’i ohirio.

“Mae’r ffaith mai deuddeg mis yn ôl y cafwyd y cyfarfod diwethaf rhwng undebau a gweinidogion ar bensiynau yn siarad cyfrolau,” meddai’r llefarydd.

Ychwanegodd eu bod nhw’n galw am gyfarfod brys gyda’r gweinidog ynni, Jesse Norman.

Diwygio’r cynllun pensiwn

Dywedodd llefarydd ar ran yr Awdurdod Dadgomisiynu Niwclear: “polisi’r Llywodraeth yw y dylai pob cynllun cyflog terfynol yn y sector cyhoeddus gael ei ddiwygio erbyn 2018, ac mae pedwar miliwn o weithwyr sector cyhoeddus wedi symud yn barod i drefniadau pensiwn newydd.

“Does dim penderfyniadau penodol ar sut i newid cynlluniau pensiwn ystâd yr Awdurdod Dadgomisiynu Niwclear wedi’u gwneud eto. Rydym yn disgwyl dechrau ymgynghoriad ffurfiol ar 9 Ionawr 2017.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.