Chwilio am gyfleoedd tramor i gwmnïau teledu

Diweddarwyd am  


Mae’r cwmni teledu Tinopolis o Lanelli wedi cael ei ddewis fod yn rhan o dasglu gan y Llywodraeth i hyrwyddo diwydiannau creadigol Prydain dramor.

Fe fydd y tasglu, a gafodd ei lansio gan yr Ysgrifennydd Busnes Vince Cable ddydd Iau, yn chwilio am gyfleoedd ledled y byd i gwmnïau cyfryngau o Brydain allforio eu gwasanaethau. Mae’r Llywodraeth o’r farn fod modd ennill gwerth hanner biliwn o bunnau o waith i gwmnïau Prydain fel hyn.

Dywedodd sylfaenydd Tinopolis, Ron Jones, ei bod hi’n holl bwysig i gwmnïau o Gymru chwarae rhan ymgyrchoedd o’r fath:

“Ro’n i wedi gobeithio y byddai mwy o gwmnïau o Gymru ar y rhestr gan y bydd hyn yn helpu ni gario’r faner i farchnadoedd a thiroedd newydd,” meddai.

“Mae’r cyfle yma ynglŷn â pharatoi deunydd yn unswydd ar gyfer marchnadoedd rhyngwladol ac nid gwerthu rhaglenni sydd wedi eu gwneud ar gyfer marchnadoedd cartref.”

Fe fydd pob cwmni yn y tasglu’n paratoi ei gynllun ehangu rhyngwladol ei hun ac yn cael help gan arbenigwyr Adran Masnach a Buddsoddi Llywodraeth Prydain.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd