Cyhoeddi cylchgrawn llenyddol myfyrwyr Aberystwyth ar-lein

Diweddarwyd am  
Myfyrwyr Cymraeg Proffesiynol yn lansio'r Ddraig yng nghwmni'r bardd a'r llenor, Megan Elenid Lewis (canol)

Myfyrwyr Cymraeg Proffesiynol yn lansio’r Ddraig yng nghwmni’r bardd a’r llenor, Megan Elenid Lewis (canol)

Llun Prifysgol Aberystwyth

Mae cylchgrawn llenyddol gan fyfyrwyr Cymraeg ym Mhrifysgol Aberystwyth wedi cael ei gyhoeddi ar-lein am y tro cyntaf yn ei hanes.

Cafodd Y Ddraig ei sefydlu yn 2011, ac mae’n cael ei baratoi yn flynyddol gan fyfyrwyr sy’n astudio’r cwrs Cymraeg Proffesiynol.

Mae’r wefan wedi ei dylunio gan Eurig Salisbury, sy’n ddarlithydd mewn Ysgrifennu Creadigol yn Adran y Gymraeg ac Astudiaethau Celtaidd.

Ymhlith y deunydd sydd ar gael ar-lein mae amrywiaeth o sgyrsiau a gweithiau creadigol, yn ogystal ag ôl rifynnau o Y Ddraig a gwybodaeth am olygyddion y cylchgrawn ac am Adran y Gymraeg ac Astudiaethau Celtaidd.

Deunydd Cymraeg ar-lein

“Mae mwy o alw nag erioed am ddeunydd Cymraeg ar-lein, ac mae’r wefan hon yn rhoi llwyfan unigryw ar-lein i fyfyrwyr arddangos eu sgiliau cyfweld, golygu ac ysgrifennu creadigol,” meddai Eurig Salisbury.

“Mae hefyd yn rhoi llwyfan i waith creadigol gan fyfyrwyr o adrannau eraill yn y Brifysgol, er enghraifft Twm Ebbsworth yn y rhifyn diweddaraf, yn ogystal ag arloeswyr mewn amrywiaeth o wahanol feysydd y tu hwnt i’r Brifysgol.”

Cafodd y rhifyn diweddaraf ei lansio yn ystod digwyddiad yng Nghanolfan y Celfyddydau, Aberystwyth, ar Fai 28, yng nghwmni’r bardd a’r llenor, Megan Elenid Lewis, sy’n un o gyn-olygyddion y cylchgrawn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019