Cyngor Gwynedd yn “ystyried yn fanwl cyn torri”

Diweddarwyd  

Bydd unrhyw benderfyniad gan ysgolion yng Ngwynedd i dorri swyddi neu gwtogi ar oriau staff cefnogol neu leihau swyddi yn dod ar ôl “ystyriaeth fanwl”.

Dyna yw ymateb y Cyngor yn sgil adroddiadau o gyfeiriad undeb UNISON bod swyddi “cannoedd” o staff cynorthwyol mewn 21 ysgol yng Ngwynedd yn y fantol.

“Mae pob opsiwn posib ar gyfer gwireddu arbedion yn derbyn ystyriaeth fanwl, ac yn cael eu gweithredu lle bynnag mae hynny’n bosib, cyn i ysgol ystyried yr angen i gwtogi oriau staff cefnogol neu leihau swyddi,” meddai llefarydd ar ran y Cyngor.

“Pan nad oes opsiwn ond ystyried lleihau lefelau staffio, mae’r broses yn cael ei gweithredu mewn ymgynghoriad llawn gyda’r undebau llafur perthnasol.

“Os, ar ddiwedd y broses, bydd penderfyniad yn cael ei wneud sy’n effeithio ar unigolyn, mae pob ymdrech yn cael ei wneud i ganfod swydd amgen ar eu cyfer.”

Y cefndir

Yn ôl yr undeb, mae gweithwyr cynorthwyol sydd yn cynorthwyo plant ag anableddau dysgu, ymysg y rhai sy’n wynebu colli eu swyddi.

Mae’n ymddangos mai arbed arian yw’r cymhelliad. Mae’r Cyngor sir yn mynnu eu bod wedi gwarchod ysgolion y sir o “effaith llawn” toriadau i’w cyllid.

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?