Anrhydeddu actor, mathemategydd a bardd

 


Mae Prifysgol Bangor wedi cyhoeddi enwau 11 unigolyn fydd yn derbyn anrhydedd am eu gwaith.

Bydd unigolion sydd wedi gwneud cyfraniadau oes i’r celfyddydau, y gwyddorau a byd busnes yn derbyn Cymrodoriaeth er Anrhydedd.

Bydd y dynion a menywod o feysydd amrywiol yn ymuno â myfyrwyr sy’n graddio o Brifysgol Bangor ac yn derbyn yr anrhydedd yn ystod Seremonïau Graddio’r Brifysgol rhwng 17-21 Gorffennaf.

Ymysg yr un ar ddeg fydd yn derbyn y wobr mae’r Athro Gareth Ffowc Roberts sydd yn awdur llyfrau mathemateg. Fe fydd yn derbyn yr anrhydedd am ei wasanaethau i addysg.

“Mae’n gydnabyddiaeth i wahanol bobol ac yn arbennig pobol sydd â rhyw fath o gysylltiad â’r Brifysgol mewn rhyw ffordd,” meddai Gareth Ffowc Roberts wrth golwg360.

“Mae hwn yn magu rhyw berthynas dyfnach wedyn. Mae rhywun efallai yn cyfrannu ymhellach at waith neu broffil yr ysgol. I mi mae hwn yn gydnabyddiaeth o’r ehangder yna, ehangder y diffiniad o beth yw diwylliant Cymraeg.”

Cymry amlwg eraill fydd yn cael eu hanrhydeddu yw’r Bardd Cenedlaethol Ifor ap Glyn, yr actor Llion Williams a’r bargyfreithiwr Gwion Lewis.

Unigolion fydd yn cael eu hanrhydeddu:

Merfyn Davies

Yr Athro Julian Evans OBE

Ifor ap Glyn

Athro Constantin Grammenos

Nicolas Jackson OBE

Dr Raj Jones

Kailesh Karavadra

Gwion Lewis

Athro Gareth Ffowc Roberts

Dr Cen Williams

Llion Williams

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd