Campws Dysgu’r Bala – y gwaith yn dechrau

 


Y gwaith yn dechrau ar Gampws Dysgu Y Bala
Mae disgwyl i’r gwaith o adeiladu Campws Dysgu ar gyfer disgyblion 3 – 19 oed yn ardal Y Bala ddechrau yn ystod yr haf, gyda’r campws yn agor yn swyddogol erbyn Medi 2018.

Ac fe fu disgyblion o ysgolion Y Bala a chynrychiolwyr o Gyngor Gwynedd ar y safle heddiw i dorri’r dywarchen gyntaf.

Mae’r cynllun wedi derbyn buddsoddiad gwerth £10 miliwn gan Gyngor Gwynedd a Llywodraeth Cymru fel rhan o Raglen Ysgolion yr 21ain Ganrif.

Mae hyn yn golygu cau Ysgol Bro Tegid, Ysgol Beuno Sant ac Ysgol y Berwyn i greu campws newydd ar safle Ysgol y Berwyn gyda’r bwriad o warchod dyfodol darpariaeth ôl-16 ac ysgolion gwledig y dalgylch.

‘Amgylchedd ddysgu o safon’

“Mae’n adeg gyffrous iawn i ardal Penllyn gyda’r cynllun ad-drefnu yn nhref y Bala fydd yn sicrhau sefydlu Campws gydag adnoddau ac amgylchedd ddysgu o safon yr unfed ganrif ar hugain,” meddai’r Cynghorydd Gareth Thomas.

Esboniodd y Cynghorydd Dafydd Meurig mae cwmni lleol, Wynne Construction, fydd yn gwneud y gwaith.

“Maen nhw hefyd yn rhannu eu hymrwymiad i gadw cymaint o fudd prosiectau o’r fath yn yr economi leol trwy gyflogi cymaint o gontractwyr a staff lleol ar eu prosiectau a bo modd a chefnogi busnesu lleol yn eu cadwyni cyflenwi,” meddai Dafydd Meurig.

Mae disgwyl i’r gwaith o osod cae synthetig 3G ar Faes Tegid ddechrau yn yr haf hefyd, gyda’r cae yn agor yn yr hydref.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd