Ail-agor ffordd yn Sir Gaerfyrddin wedi tirlithriad

Diweddarwyd am  
Corey Sharpling

Corey Thomas Sharpling

Llun yr heddlu

Mae ffordd yr A484 yn ardal Cwmduad, Sir Gaerfyrddin, wedi ailagor yn llawn am y tro cyntaf ers i ddyn ifanc gael ei ladd mewn tirlithriad yno fis Hydref y llynedd.

Bu farw Corey Thomas Sharpling, 21, ar y ffordd rhwng Castellnewydd Emlyn a Chaerfyrddin adeg Storm Callum ar Hydref 13.

Ers hynny, mae swyddogion Cyngor Sir Gaerfyrddin wedi bod yn cynnal gwaith “tra chymhleth” i glirio’r ardal a gwneud y ffordd yn ddiogel unwaith eto.

Cafodd y ffordd ei hailagor yn rhannol ym mis Mawrth, a bellach mae’r goleuadau dros dro, a oedd ond yn caniatáu un lôn o draffig, wedi cael eu symud.

“Rydym yn falch ein bod wedi gallu ailagor yr A484 yng Nghwmduad o’r diwedd,” meddai’r Cynghorydd Hazel Evans, aelod o Fwrdd Gweithredol Cyngor Sir Gaerfyrddin sy’n gyfrifol am yr Amgylchedd.

“Hoffwn ddiolch i’r tîm priffyrdd am reoli a chwblhau’r gwaith hynod gymhleth hwn, a hefyd i ddefnyddwyr y ffordd a phobol sy’n byw yn lleol am eu hamynedd a’u dealltwriaeth.”

Anrhydeddu gweithwyr

Yn ddiweddar, cafodd dau aelod o dîm priffyrdd y cyngor eu hanrhydeddu am eu dewrder ar ôl achub gyrrwr y lori a gafodd ei ysgubo i afon Duad adeg y storm.

Enillodd Dorian Lewis a Mark Allen y Wobr Dewrder Cymunedol yng Ngwobrau Cymunedol Gorllewin Cymru eleni.

Llwyddodd y ddau i dynnu’r gyrrwr allan o’i gerbyd a ffurfio cadwyn er mwyn ei gludo i ddiogelwch.

“Nid oeddem wedi gwneud hyn er mwyn ennill gwobr, ond yn hytrach er mwyn achub bywyd,” meddai Dorian Lewis. “Ond yn anffodus, gwnaethom fethu ag achub bywyd un person y diwrnod hwnnw.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer