Aelod Seneddol newydd Gorllewin Casnewydd yn dechrau yn San Steffan

 

Ruth Jones

Llun oddi ar ei chyfrif Twitter

Mae Aelod Seneddol newydd y Blaid Lafur yng Ngorllewin Casnewydd yn dechrau ar ei swydd newydd yn San Steffan heddiw (Dydd Llun, Ebrill 8).

Llwyddodd Ruth Jones i gadw cyn-sedd y diweddar Paul Flynn ar ôl yr isetholiad ddydd Iau diwethaf (Ebrill 4).

Fe sicrhaodd y Blaid Lafur 9,308 o bleidleisiau, sef mwyafrif o 1,951 dros ymgeisydd y Ceidwadwyr, Matthew Evans (7,357).

Mae’r mwyafrif hwn tipyn yn llai na’r 5,658 a oedd gan y diweddar Paul Flynn ers yr etholiad cyffredinol yn 2017.

“Sefyll dros y bobol”

“Nawr eich bod chi wedi fy ethol i’ch cynrychioli yn San Steffan, mi wnaf yn union beth rwyf wedi gado ar bob un stepen drws,” meddai Ruth Jones wrth bobol Casnewydd wrth siarad ar ôl canlyniad yr is etholiad.

“Fe fyddwn yn sefyll dros y bobol, y swyddi a’r economi yng Ngorllewin Casnewydd.”

“Pwy a ŵyr peth fydd yn dod yn ystod y dyddiau, misoedd a’r blynyddoedd nesaf ond beth rwyf yn gwybod yw bod pobol wedi cael digon ar ôl degawd o lymder,” meddai.

Fe fydd Ruth Jones, sydd yn gwrthwynebu Brexit, nawr yn ymuno gydag Aelodau Seneddol gweddill gwledydd Prydain yn San Steffan ar gyfer camau nesaf y broses o adael yr Undeb Ewropeaidd.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer