Jack Sargeant – ‘Rhaid dechrau’r ymchwiliad’

Diweddarwyd am  
Jack Sargeant a Carl Sargeant ysgwydd yn ysgwydd

Carl Sargeant a’i fab Jack

Llun: David Taylor

Mae mab y cyn-weinidog Cabinet, Carl Sargeant, wedi galw am ddechrau’r ymchwiliad i’w farwolaeth.

Yn ôl Jack Sargeant, sydd bellach yn Aelod Cynulliad yn sedd ei dad, mae ar y teulu angen atebion ac mae’r ymchwiliad yn rhan o hynny.

Mae hi’n fwy na saith mis ers i’r gwleidydd 49 wneud amdano’i hun ar ôl iddo gael y sac o gabinet Llywodraeth Cymru yn dilyn honiadau o ymddygiad anaddas at fenywod.

‘Pwysig dechrau’r ymchwiliad’

“Mae yna hanner blwyddyn wedi mynd,” meddai. “Mae’n bwysig dechrau’r ymchwiliad yna, a bod proses yn ei lle i sicrhau na fydd hyn yn digwydd fyth eto.”

Y Prif Weinidog, Carwyn Jones, oedd wedi sefydlu’r ymchwiliad dan y bargyfreithiwr Paul Bowen QC ar ôl beirniadaeth o’r ffordd yr oedd ef wedi trin Carl Sargeant ac wedi cyhoeddi’r newyddion am ei ddiswyddo.

Yn ôl y teulu, chafodd y cyn-Ysgrifennydd Cymunedau ddim gwybod be oedd yr honiadau’n ei erbyn ac maen nhw’n parhau i wadu’r cyhuddiadau.

Ymateb y Llywodraeth

Fe ddywedodd llefarydd ar ran Llywodraeth Cymru wrth bapur newydd y Guardian fod y gwaith paratoi at yr ymchwiliad yn mynd yn ei flaen a’u bod yn agos at gytuno sut i’w gynnal.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed