Rhybudd wedi mwrdwr Abertawe i fod yn ofalus ar Facebook a Twitter

Diweddarwyd am  

Mae Heddlu’r De yn rhybuddio pobol i fod yn “ofalus” wrth wneud sylwadau ar wefannau cymdeithasol am lofruddiaeth dyn 67 oed o Abertawe.

Mae’r ymchwiliad i lofruddiaeth John ‘Jack’ Williams o ardal Pentrechwyth y ddinas yn parhau, a does neb wedi ei arestio hyd yn hyn. Cafwyd hyd iddo’n farw yn ei gartref ddydd Sadwrn.

Mae’r heddlu’n gwadu’r adroddiadau ar wefannau cymdeithasol fod unigolion wedi’u harestio mewn perthynas â’r digwyddiad.

Mae ambell neges ar Facebook a Twitter yn awgrymu bod ergydion dryll i’w clywed yn y ddinas neithiwr, a bod dyn â chyllell ar ffo yn yr ardal. Ond mae’r heddlu’n gwadu hynny, gan ddweud y bydden nhw’n “ymwybodol” o’r fath ddigwyddiad pe bai’n wir.

Datganiad

“Rydym yn ymwybodol o negeseuon ar wefannau cymdeithasol yn awgrymu bod pobol wedi cael eu harestio,” meddai llefarydd ar ran Heddlu De Cymru.

“Gallwn gadarnhau na chafodd unrhyw un ei arestio hyd yn hyn, a dyna pam rwy’n adnewyddu’r apêl – ac mae’r ymchwiliad yn sicr yn parhau.

“Mae ein swyddogion ymroddedig yn parhau i gynnal ymchwiliad i amgylchiadau marwolaeth Mr Williams ac rydym yn galw am gymorth a chefnogaeth y gymuned leol.

“Mae’n hanfodol fod unrhyw un â gwybodaeth – waeth mor fach ydyw – yn cysylltu â’r heddlu.”

Mae’r heddlu’n awyddus i glywed gan unrhyw un oedd yn ardal Heol Pentrechwyth rhwng 11.30yb a 12.30yp nos Iau (Mawrth 29).

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?