Dem Rhydd – cyhoeddi arweinydd newydd

 
Y ddwy ymgeisydd

Elizabeth Evans (ar y dde) a Jane Dodds (lluniau’r blaid a Facebook Jane Dodds)

Fe fydd y ddwy Gymraes Gymraeg sy’n cystadlu am arweinyddiaeth Democratiaid Rhyddfrydol Cymru yn cael gwybod y canlyniad yn ddiweddarach heddiw.

Mae’r ddwy – Jane Dodds o’r Trallwng ac Elizabeth Evans o Aberaeron – wedi bod yn cystadlu am y swydd ers i’r cyn AS Mark Williams ymddiswyddo.

Fe fu’n rhaid i’r blaid newid y rheolau er mwyn caniatáu i’r ddwy sefyll, gan nad yw’r un ohonyn nhw yn Aelod Seneddol neu Aelod Cynulliad.

Y dewis amlwg fyddai Kirsty Williams, yr unig aelod sydd gan y blaid Gymreig yng Nghaerdydd neu San Steffan ond fe farnodd y blaid fod ganddi hi ddigon ar ei phlat yn Ysgrifennydd Llywodraeteh Cymru tros Addysg.

Bellach, mae’r blaid yn fodlon derbyn arweinydd sydd ar restr ymgeiswyr cymeradwy’r blaid – fe safodd Elizabeth Evans am sedd y Cynulliad yng Ngheredigion ac mae Jane Dodds wedi sefyll ddwywaith yn Sir Drefaldwyn.

Safbwyntiau

Dyma ddyfyniadau o ddatganiadau y mae’r ddwy ymgeisydd wedi’u gwneud yn ystod yr ymgyrch:

“Does ar Gymru erioed wedi bod â chymaint o angen am y Democratiaid Rhyddfrydol ag y mae heddiw. Mae’n amser am ddechrau newydd, i greu cymdeithas decach, i wneud safiad tros yr amgylchedd ac i daclo Brexit.” – Jane Dodds

“Ni yw plaid ymreolaeth, rhyddfrydiaeth radical a democratiaeth gymdeithasol. R’yn ni’n edrych am allan, yn Brydeinig, Ewropeaidd a gwirioneddol ryngwladol… ni yw’r ateb i genedlaetholdeb a phencampwyr hunanlywodraeth ac mae angen i ni roi gwybod i bobol Cymru.” – Elizabeth Evans.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed