Alun Wyn Jones eisiau ymchwiliad ar ôl i Joe Marler gyffwrdd ei genitalia

 

Alun Wyn Jones

Llun: Undeb Rygbi Cymru

Mae Alun Wyn Jones yn galw am ymchwiliad ar ôl i Joe Marler, prop Lloegr, afael yn ei genitalia yn ystod y gêm yn erbyn Cymru yn Twickenham ddoe (dydd Sadwrn, Mawrth 7).

Chafodd y prop mo’i gosbi ar y pryd gan nad oedd y dyfarnwr na’i gynorthwywyr wedi gweld y digwyddiad, er bod capten Cymru’n ymbil arnyn nhw i droi at y dyfarnwr fideo yn ystod hanner cynta’r gêm danllyd.

Mae’n bosib iawn y bydd y comisiynydd disgyblu’n ymchwilio i’r digwyddiad, ac y gallai Joe Marler gael ei wahardd am hyd at chwe mis.

Rhwystredigaeth

Ar ôl y gêm, mynegodd Alun Wyn Jones ei rwystredigaeth ynghylch y sefyllfa.

“Dw i wedi chwarae mewn 138 o gemau prawf dros fy ngwlad,” meddai.

“Os dw i’n ymateb, dw i’n cael cerdyn coch.

“Mae’n anodd, on’d yw e?

“Gobeithio y bydd World Rugby yn edrych arno fe.

“Mae Joe yn foi da, mae llawer o bethau’n digwydd ar y cae rygbi.

“Mae’n anodd fel capten y dyddiau yma oherwydd mae’n teimlo fel na allwch chi siarad â’r dyfarnwr am ddim byd.

“Dw i’n edrych ar y llumanwr ac mae’n amlwg nad oedd e wedi gweld beth ddigwyddodd, ac mae hynny’n iawn.

“Mae tipyn o ddeunydd sydd wedi cael ei ddangos.

“Mae’n ymddangos bod llawer o gefnogwyr wedi gweld beth ddigwyddodd.

“Mae’n rhwystredig iawn ein bod ni’n siarad dipyn am swyddogion teledu ac adolygu deunydd ond eto, does dim llawer ohono fe’n digwydd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn